Já começamos a nossa nova tempada no novo local do 1º andar do C.S. O Pichel, e estamos abertas para que tu venhas fazer o teu programa ao vivo. Até agora estamos a emitir informativos de luns a venres às 22:00' e o programa Vozes Rebeldes nas quartas às 20:30', se bem em janeiro darám começo uns outros programas.
Além, acordamos dar a conhecer esta situaçom e lançar a mensagem oportuna para que quem quiger fazer um programa na Kalimera sega os passos necesários para elo (para conhece-los clica em ler mais):
1º Ler e concordar com os princípios básicos da rádio que som
- Rádio Kalimera é uma radio livre, autogerida, anti-patriarcal e galega que se nutre da colabouraçom voluntária de malta do mais diversso ideologicamente e que mantem clara a sua independência de qualquer partido politico ou sindicato, nessa medida lançamos uma mensagem nom partidária nem proselitista.
- As pessoas que formamos A Kalimera somos um colectivo aberto em luta pola transformaçom social e na procura duma sociedade horizontal baseada nas relaçons anti-autoritárias entre pessoas e entre os colectivos (povos, grupos, comunidades...).
- Apostamos por valores como a liberdade, igualdade, e pola nom discriminaçom e o respeito às diferentes realidades de género, etnia, cultura, preferência sexual,...
- Rádio Kalimera, coma rádio livre que somos, temos clara que a informaçom alternativa sempre foi o nosso primeiro objectivo e, nesse caminho, intentamos criar um espaço de comunicaçom que propície um maior achegamento entre os diversos grupos sociais, fomentando a pluralidade de ideias, visons ou enfoques que nos acheguem a um espiritu crítico e polo tanto evitando todas aquelas verdades impostas socialmente com as que nom nos sentimos identificadas.
- Oferecemos uma informaçom diversificada e plural, servindo de soporte às manifestaçons culturais e sociais do nosso entorno, ensaiando novas formas de comunicaçom e de jeito de fazer rádio, na procura de criar assim sujeitos activas contra o papel de espectadora passiva fomentado polos "mass media".
- Na Rádio Kalimera consideramos a linguagem coma fundamental no nosso médio, por isso a revolucionamos na procura de fazer uma emissom limpa de linguagem discriminatória, desalojando-a de expressons racistas, sexistas, homófonas, especistas... Entendemos que a discriminaçom na linguagem é tam subtil e eficiente que muitas vezes nom nos percatamos do profundamente discriminatorias e omitivas que som as nossas expresons numa sociedade carregada de valores autoritários e androcentristas, por isso tratamos de criar um jeito igualitário de comunicaçom com novas formas, novos verbos, jeitos revolucionários de nomear as coisas, investigando e recuperando uma linguagem que nos posibilite nom discriminar, avanzar e ampliar as miras, para nom transmir o mesmo contra o que lutamos.
- Emitimos só em galego por convinçom e como jeito de contrarrestar a nefasta política lingüistica dos medios comercias. Lutando assim contra da marginaçom da nossa lingua a nível comunicacional e social.
- Rádio Kalimera é um projecto sério, mas gostamos da risa, porque somos quem de rir das coisas que mais nos preocupam coma jeito de canalizar a resposta a esta sociedade do medo e da incomunicaçom, da prepotência dos fortes e dos seus lacaios, e dos lacaios dos lacaios, Lacairi, lacairo, oh, oh, oh...
2º Enviar um projecto ou guiom de programa ao nosso correio Este enderezo electrónico está protexido contra spambots. É necesario activar Javascript para visualizalo indicando também o número de pessoas.
Umha vez recebedo o vosso correio ponheremo-nos em contacto com vós para ver-nos e falar-mos ao vivo.
Impartiremos um cursinho técnico para quem precisar e umhas prácticas de como defrontar os micros para umha boa emissom.
E PRONTO !!
Só dizer que, de início, os horários de emissom ao vivo para os programas novos serám de 2ª a 6ª (luns a venres) entre 6 da tarde e 10 da noite e terám preferência os programas informativos e/ou culturais antes que os só musicais, se bem pretendemos que poidam ser gravados previamente noutras horas.
