Novena edición de Xoubas, e penúltima desta tempada, interrompida ata fin de exames de xuño. Emitido ao vivo en Mércores 26 de maio de 2010.
Hoxe contamos coa presenza do noso amigo David, que xa nos acompañou hai dúas semanas co seu “Vituperio da serpe”, a sección inesperada e improvisada da que nós non sabemos absolutamente nada. Ademais, comentaremos os casos xudiciais máis rocambolescos dos USA, traemos crítica literaria, analizando “As 48 leis do poder”, un maquiavélico libro e, como xa é habitual en Xoubas, analizamos perlas zurullescas da historia do cine desaprobadas polas nais e as autoridades eclesiásticas.
